M. Sven Clement (Piraten).- Merci, Här President. Och Merci dem Rapporteur Marc Angel fir deen exzellente mëndlechen awer och schrëftleche Rapport, deen eis jo, wéi meng Virriedner gesot hunn, relativ kuerzfristeg zou- gaangen ass an dee mer dunn och relativ kuerzfristeg hu missen traitéieren.
Mir hoffen, datt no dësem Brexit-Chaos erëm e bësse méi Rou an d’parlamentaresch Aarbecht kënnt an et doduerjer och méiglech gëtt, dann an deenen Delaien, déi mer eis jo selwer ginn hunn, erëm parlamentaresch Aarbecht ze maa- chen, fir esou eben Haselegkeeten ze verhën- neren. Ech mengen, et gehéiert zur Demokra- tie, datt ee sech och mat Texter kann eng gewëssen Zäit auserneesetzen, datt mer do e bësse Safeguards agebaut hunn. Nichtsdesto- trotz markéiere mer och eisen Accord fir dëse Projet.